Wanafunzi 18 wafa maji Ziwa Viktoria!

WANAFUNZI 18 wa shule ya msingi na chekechea wamekufa kwa kuzama katika Ziwa Viktoria wilayani Sengerema katika Mkoa wa Mwanza. Watoto hao ni kati ya wanafunzi 38 wa shule ya Msingi na chekekchea Lukungu waliokuwa wakisafiri kwa mtumbwi jana asubuhi kwenda shuleni. Mkuu wa Wilaya ya Sengerema David Pallanjo, amesema akiwa katika katika kijiji Lukungu Kata ya Chimfufu wilayani Sengerema kuwa, mtumbwi huo ulipinduka jana saa mbili asubuhi. Kwa mujibu wa Pallanjo, wanafunzi hao walikuwa wakienda katika kisiwa cha Itendele ilipo shule hiyo.